Зун улиралд арьс улайж эмзэгших асуудал гардаг. Харин өргөст хэмхэн дэх нэгдэл нь арьсыг тайвшруулж сэргээх үйлчилгээ агуулдаг. Эдгээр маскууд нь таны арьсыг өнгөлөг, эрүүл толигор болгох болно.

Өргөст хэмх тарагтай маск

• 1/2 өргөст хэмх
• 1 цайны халбага тараг

Энэхүү маск нь бүхий л төрлийн арьсанд тохирох бөгөөд тараганд агуулагдах сүүний хүчил нь арьсыг нөхөн төлжүүлж чийгшүүлнэ. Нарнаас болж түлэгдсэн арьсыг цайруулж батгатай тэмцэхэд тань тусална. 

Өргөст хэмхээ хальслаад үрэгчээр үрнэ. Шүүсийг нь бага зэрэг шүүж авч болно. Өргөст хэмхэн дээрээ тарагаа хийж өгнө. Нүүрэндээ түрхээд 15 минутын дараа бүлээн усаар угаагаарай.

Өргөст хэмх зөгийн балтай маск

• 1/2 өргөст хэмх
• 2 цайны халбага зөгийн бал алое вера

Арьсанд тэжээл өгч чийгшүүлнэ. Намрын улиралд илүү үр дүнтэй. 

Өргөст хэмх тарагтай масктай яг адил аргаар хэрэглэнэ. 

Өргөст хэмх сүүтэй маск

• 1/2 өргөст хэмх
• 1/4 аяга сүү
• 1 цайны халбага зөгийн бал
• 1 цайны халбага бор сахар

Бор сахар нь гайхалтай гуужуулагч бөгөөд сүү, зөгийн балтай холилдсоноор таны арьсыг эрүүл өнгөлөг толигор болгоно. 

Өргөст хэмхээ хальсалж үрэгчээр үрж эсвэл блендэрт хийж буталж болно. Өргөст хэмхэндээ бусад орцоо хийгээд хутгана. Цэвэрлэсэн нүүрэндээ түрхээд 15 минутын дараа бүлээн усаар угаана. Угаахдаа арьсандаа зөөлөн массаж хийж гуужуулах маягаар цэвэрлээрэй. 

Анхаарах зүйлс: 

1. Маск тавьсаны дараа арьс улайж загатнаж байвал хэрэглэж болохгүй. Аль нэг найрлагаас харшилтай байж болзошгүй.

2. Маск тавихын өмнө нүүрний нүх сүвийг нээхийн тулд нүүрээ ут. 

3.  Чолктой бол үсээ хавчиж үсээ сайн боогоорой. 

4. Маск тавсаны дараа арьс чинь бага зэрэг таталдаад байвал чийгшүүлэгч тос түрхээрэй.

5. Маскыг 7 хоногт 3 удаа тавина. Өдөр бүр тавьсан ч болно.