Иорданы Ван Абдалла II тус улсын нутаг дэвсгэр дээр байгаа Сирийн дүрвэгсдийн төлөө үүрэх хариуцлагыг Олон улсын хамтын нийгэмлэгийн зүгээс үүрэлцэхийг уриалсан байна. Тэрээр дүрвэгсэд ирснээс хойшхи асуудлууд улам нэмэгдэн хурцдаж байгаа талаар анхааруулсан аж.

Түүний өгүүлснээр, Сирийн дүрвэгсдийн ахуй хангамжид зориулан гаргаж буй зардлын зөвхөн 35 хувийг л олон улсын тусламж нөхөж байна гэжээ. Үлдсэнд нь тус улсын нийт төсвийн дөрөвний нэг зориулагдаж байгаа аж.

Энэ байдлаас үүдэн, Иордан улс эдийн засгаа хөгжүүлэх төлөвлөгөөгөө хэрэгжүүлж чадахгүйд хүрээд байгаа гэнэ. Иймд тус орны хувьд дааж давшгүй хүнд ачаа болоод буй дүрвэгсдийн талаар олон улсын хамтын нийгэмлэг өөрийн үүргээ гүйцэтгэх шаардлагатай хэмээн Вант улсын тэргүүн үзэж байна.

Иорданы нутаг дэвсгэр дээр одоогийн байдлаар 600 мянган сиричүүд байгаа аж. 

Д.Мөрөн