Дараах амархан зөвлөгөөнүүдийг дагаад л явбал, чи жин нэмэх вий гэж санаа зовох хэрэггүй болно. Энэ бол хэсэгхэн хугацаанд мөрдөөд болих тураах дэглэм биш, харин чамайг насан туршид чинь эрүүл гоолиг биетэй байлгах амьдралын хэв маягийн зөвлөгөө юм.

1. Өөрийгөө битгий зовоо – Хааяа хааяа дуртай амтанаа идэж, өөрийгөө баярлуул. Нэг ширхэг хар шоколад идлээ гээд чи таргалахгүй. Ер нь юу идэж байгаагаас илүү хэр их идэж байгаагаас л илүүдэл жин нэмэх эсэх нь хамаардаг. Тиймээс арав хоногт нэг удаа бяслагтай бялуу идэхээс татгалзах хэрэггүй.

2. Дүүртлээ биш цадталаа ид – Чи энэ тухай өмнө нь сонсож л байсан байх. Бидний ходоод цадсан ч сэтгэл цаддаггүй нэг гэм бий. Дундад зууны үед, нэг хэрчмийг амандаа хийх тоолондоо сэрээгээ тавьдаг байсан нь, ходоодныхоо хэмжээг мэдэж идэхэд сургадаг байжээ. Хоолыг хурдан, ихээр биш, бага багаар удаахан ид. Тэгвэл чи бодож байснаасаа ч амархан цаддаг гэдгээ ойлгоно.

3. Хоолны чинь 50 хувь нь хүнсний ногоо байх ёстой – Хүнсний ногоо, жимс жимсгэнэ нь ус болон эслэгээс тогтсон учраас чамайг дүүргэхгүйгээр, цатгах болно.

4. Гаднаас юм авахдаа үргэлж бага хэмжээтэйг сонго – Кофе, салат, шөл, мөхөөлдөс-юу ч авах байсан ихийг биш бага хэмжээтэйг нь сонго.

5. Хооллох зуршлаа таньж мэд – Хэрэв чи олон ширхэгтэй хүнс харахаараа зогсохоо мэддэггүй бол /жишээ нь чипс, ууттай чихэр/ нэг бүхэл жимс юм уу, тус бүртээ савалгаатай чихэр авч хорхойгоо дарж болно. Ямар ч байсан ихээр нь бүү ав. Ихийг авчихвал дуусгаж байж л санаа чинь амарна.

6. Гадуур хооллож байхдаа үндсэн хоолныхоо өмнө шөл юм уу, салат ав – Шөл, салат нь бага калоритой мөртлөө гэдсийг амархан цатгадаг. Хэрэв энэ хоёрыг авчихвал чи үндсэн их калоритой хоолноосоо нэг ихийг идэхгүй.

7. Талх, боовноос татгалз – Цагаан гурилан бүтээгдэхүүнүүд нь хий калори л гэсэн үг.

8. Гадуур хооллохдоо хоолныхоо 25 хувийг үлдээ – Зоогийн газрын хоолны порц нь ихэвчлэн бидний идэхээс хоёр дахин илүү байдаг. Дуртай хоолоо идэж болно, хамгийн гол нь дуустал нь, бүгдийг нь идэх шаардлагагүй гэдгийг сана.

9. Шингэн юм сайн уу – Олон тохиолдолд бид зүгээр л цангаж байгаагаа өлсөж байна гэж андуурдаг. Өдөрт найдвартай 8 аяга ус уу. Дан ус уух тааламжгүй байвал дээр нь нэг дусал лимоны хүчил юм уу витамин нэмж болно.

10. Өдөржингөө хорьж болохгүй – Хоолоо өдөржин сойсноо, орой нь идэж гардаг бүсгүйчүүд бий. Ингэхийн оронд өдөр нь сайн цадаж аваад, орой нь юм идэхгүй байсан нь дээр. 11. Зурагтын өмнө суухдаа бүү ид- Хэрэв чи өлсөөд байвал бага калориор цатгах зууш сонгоорой. Попкорн, самарны цуглуулга гэх мэт.

12. Үдэшлэгт явахын өмнө хөнгөн зуушаар хоолло – Жимс юм уу, атга дүүрэн самар идчих. Үдэшлэг болж байгаа газар эрүүл зууш бараг байхгүй тиймээс чи хоосон ходоодтой гарчихвал очоод муу бүтээгдэхүүн идэхээс өөр аргагүй болно.

13. Зууш цүнхэлж яв – Гэнэт өлсөхөд хэзээд бэлтгэлтэй байна гэсэн үг. Өлсөх үедээ хүн аль болох их хэмжээгээр, өөх тостой өег хоол идэхийг эрмэлздэг. Тэгээд л буруу сонголт хийнэ. Тиймээс самар, үзэмний цуглуулга мэтийн хоол цүнхэлж яваарай.

14. Калори уух хэрэггүй – Амныхаа цангааг тайлахын тулд мока, шэйк авч уусаар байвал чи жингээ хадгалж чадахгүй. Харин ус ууж, уураглаг зүйлээр л калорио нөх.

15. Хагас цагаан хоолтон бол -Долоо хоногт нэг удаа махгүй өдөр зарла. Тэгээд сүү цагаан идээ, жимс жимсгэнээр хоолло. Тэглээ гээд та уначихгүй.

16. Бүхэл үрийг сонго – Бүхэл үрийн талх, бүтээгдэхүүнүүд нь гэдсийг удаан цатгалан байлгадаг. Мөн цусан дах сахарын хэмжээг барьж, биеийг эрдэс бодис, витаминаар хангана. Харин цагаан гурил нь биед шууд чихэр болж хувирдаг.

17. Өглөөний цайгаа уу – Өглөөний цай нь бодисын солилцоог чинь идэвхжүүлж, орой нь их идэхээс сэргийлнэ.

18. Долоо хоногийн гурван цагийг дасгал хийхэд зориул – Хэрэв чамд фэйсбүүкдэх, найзуудтайгаа нэг оройжин юм ярьж суух, долоо хоног бүр шоппинг хийх зав гардаг бол гурван өдөр нэг нэг цагаар дасгал хийх зав гарч л таарна.

19. Гэхдээ бүхний учир дасгал хөдөлгөөн биш гэдгийг сана – GYM-д явдаг юм чинь гээд дараа нь мөхөөлдөс авч идээд байж болохгүй. Дасгал нь чиний бие чанга байх эсэхийг зохицуулдаг болохоос, идэвхтэй хөдөлгөөн хийдэг гээд жин нэмэхээ зогсоно гэсэн үг биш.

20. Жижиг сажиг хоолноос зайлсхий – Заримдаа бид оройн хоолны оронд жигнэмэг чихэр зэрэгхэнээр хооллодог. Ингэх нь жирийн оройн хоолноос ч илүү калори нэмж болзошгүй.

21. Оройн хоолны дараа дахиж юм идэх хэрэггүй – Калори нь бидэнд энерги өгдөг. Харин унтахад бидэнд энерги хэрэггүй.

22. Амсаад л тавиад байвал – Өөрөө жингээ барьж байна гэсэн мөртлөө найзынхаа шоколаднаас хэд хугалж амандаа хийгээд, хажуудах хүнийхээ газтай ундаанаас нэг балгаад л яваад байвал үр дүнгүй.

23. Уутыг нь хоосортол идэж болохгүй – Өөрөөр хэлвэл гэртээ чипс, жигнэмэг, шоколад идэхээр бол тавганд юмуу аяганд хийх хэрэгтэй. Учир нь ууттай нь бариад суух юм бол бид уутыг нь хоослох гээд зүтгэчихнэ.

24. Нэмүүлэх хэрэггүй – Зүгээр л хэрэггүй. Ходоодондоо хоолоо боловсруулах завдал гарга л даа.

25. Хүнсний будагнаас зайлсхий – Хүнсний будаг нь хоолны дуршилыг нэмэгдүүлэхээс гадна гэдсийг хий дүүргэж хэхрүүлдэг.