Усэйн Болт найз бүсгүйгээ хуурчээ
Дэлхийн хамгийн хурдан хүн Усэйн Болт гурван Олимп дараалан алтан медаль хүртсэн баяраа тэмдэглэж байна.
Олимпийн дараа найз бүсгүйдээ сүй тавих санал тавихаар зэхэж байсан Усэйн Болт Бразилийн оюутан бүсгүйтэй зугаацсан зураг нь цахим ертөнцээр тарж, шуугиан тариад байна.
20 настай Жэди Дуарте гэгч бразил бүсгүй Усэйн Болттой хамт авахуулсан зургаа "WhatsApp” сүлжээнд нийтэлсэн байна.
Усэйн Болт өнгөрсөн ням гаригт 30 насны төрсөн өдрөө энэ бүсгүйтэй хамт тэмдэглэсэн аж.
Гэтэл Ямайкад найз бүсгүй нь түүнийг хүлээж байгаа. Тэрбээр 26 настай Каси Беннетт гэх бүсгүйтэй хоёр жил гаруйн хугацаанд болзож, сүй тавихаар төлөвлөсөн аж.
