Мэргэжлийн дугуйн олон өдрийн Вуэльта Испаниа уралдаан үргэлжилж байна. 10 өдрийн гарааны дараах байдлаар "Movistar” багийн Колумби дугуйчин, 2014 оны Жиро д’Италиа уралдааны аварга Н.Кинтана тэргүүлж байна. Н.Кинтана 8 дахь гараанд тэргүүлийг аваад байсан бол 10 дахь гарааны ялагч болсноор өөрийн тэргүүллийг баталгаажуулжээ. Тэрбээр 10 дахь гараа 188.7 км-н уулын замд болж Н.Кинтана нийт замаа 4 цаг 50 мин 31 сек-д туулж тэргүүн байр эзэлжээ. Ийнхүү өөрийн карьертаа анх удаагаа Вуэльта Испаниа уралдааны гарааны ялагч болж байна. 10 дахь гараа тун хүчтэй өрсөлдөөнтэй өрнөж, К.Фрүүм, А.Валверде, А.Контадор нарын шилдэг дугуйчид эхний 10-т багтсан.

 

Өнөөдөр тэмцээний амралтын өдөр. Баг, тамирчид өнөөдөр Овьедод амраад маргааш буюу 31-ний Лхагва гарагт уралдаанаа үргэлжилүүлнэ.

 

Ssport.mn