Төрийн албаны зөвлөл өчигдөр хуралдаж, нэр бүхий таван яамны Төрийн нарийн бичгийн дарга болох шалгуурыг хангасан иргэдийн асуудлыг хэлэлцсэн юм. Энэ хуралдаан дуусч, Төрийн нарийн бичгийн даргаар томилогдох болзлыг хангасан иргэдийн нэрсийг өнөөдөр Засгийн газарт уламжлахаар болжээ.

 

 

Онцлоход, Засгийн газраас ирүүлсэн саналын дагуу Төрийн албаны зөвлөлөөс нэр бүхий яамдын Төрийн нарийн бичгийн дарга нарын сонгон шалгаруулалт зарлаж, бүртгүүлсэн иргэдээс энэ сарын 15-нд буюу өнгөрсөн даваа гаригт шалгалт авсан юм. Түүгээр Хууль зүй, дотоод хэргийн яамны Төрийн нарийн бичгийн даргаар Г.Баясгалан, Хөдөлмөр, нийгмийн хамгааллын яамны Төрийн нарийн бичгийн даргаар Г.Өнөрбаяр, Уул уурхай, хүнд үйлдвэрийн яамны Төрийн нарийн бичгийн даргаар Г.Нандинжаргал, Хүнс хөдөө аж ахуй, хөнгөн үйлдвэрийн яамны Төрийн нарийн бичгийн даргаар Л.Баяртулга, Гадаад харилцааны яамны Төрийн нарийн бичгийн даргаар Д.Даваасүрэн нар томилогдох болзол хангаж, шалгалтад тэнцсэн юм.