"Тэнүүн-Огоо” ХХК-ийн автобус замын хөдөлгөөнд оролцож байхдаа шатжээ.

 

 

Тодруулбал Сонгинохайрхан дүүргийн авто үйлчилгээний "Драгон” төвийн урд зам дээр өнөөдөр өглөө 09:00 цагийн үед "Тэнүүн-Огоо” ХХК-ийн автобусны ар, моторын хэсэг шатсан байна. Азаар зорчигчид галд өртөөгүй аж. Уг галын дуудлага 09:08 цагт гал унтраах Онцгой байдлын Ерөнхий газрын шуурхай албанд ирсэн бөгөөд гал унтраах 26 дугаар анги шуурхай ажиллаж галыг унтраажээ.

 

Гэрчийн мэдүүлснээр тус автобус "Тэнүүн-Огоо” ХХК-ийн Орбит чиглэлийн 47 номерын автобус байсан ба галын утаа зорчигчдын хэсэг рүү орж цонхонд тортог тогтсон байжээ. Одоогоор галын шалтгааныг тодруулаагүй байгаа аж.