Хуурамч бичиг баримт бүрдүүлэн тэтгэвэр авч байсан гэмт хэргийн шинжтэй үйлдлийг хууль хяналтын байгууллагынхан тогтоожээ. Нийт 85.7 сая төгрөгийн зөрчил илэрсэн байна.

Тухайлбал, Баянзүрх дүүрэгт хуурамч бичиг баримт бүрдүүлэн тэтгэвэр тогтоолгож 64.7 сая төгрөг, Баянхонгор аймгийн Баян-Овоо сумын Нийгмийн даатгалын байцаагчаар ажиллаж байх хугацаандаа хуурамч нэрээр бичиг баримт бүрдүүлэн тэтгэвэр авч 7.8 сая төгрөгийн хохирлыг Нийгмийн даатгалын санд учруулсан байна.

ГовьАлтай аймгийн нийгмийн даатгалын ажилтны алдаанаас болж тэтгэвэр нь буруу тогтоогдон иргэнд 13.2 сая төгрөгийн зөрчил үүссэн байжээ. Эдгээр зөрчлийг шүүхийн шийдвэр үндэслэн барагдуулахаар ажиллаж, мөн хариуцлага алдсан хүмүүсийг нь ажлаас чөлөөлсөн байна. gogo.mn