Төр нийгмийн нэрт зүтгэлтэн С.Зоригийг хөнөөсөн хэрэгт прокуророос яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд энэ оны арваннэгдүгээр сарын 14-ний өдөр шилжүүлсэн билээ. Ингэснээр тойргийн дагуу уг хэргийг шүүгч М.Алдар шүүхээр болсон байна.

С.Зориг агсны амь насыг онц хэрцгийгээр хөнөөсөн гэх хэргийн сэжигтнээр Орхон аймгийн харьяат иргэн Т.Чимгээ, Б.Содномдаржаа, Ц.Амгаланбаатар нарын гурван иргэнийг татан, хорих 461 дүгээр ангид өнгөрсөн жилээс одоог хүртэл хорьж шалгаж байгаа билээ.

Тус хэргийг энэ долоо хоногийн лхагва гаригт буюу энэ сарын 14-ний өдөр шүүх хуваарь Монгол Улсын Шүүхийн вэб хуудсанд нийтлэгдсэн байна. Хамгийн их анхаарал татаж байгаа асуудал нь дээрх гурван иргэнийг Эрүүгийн хуулийн 91.2.4 буюу захиалгаар хүний амь нас хохироосон гэсэн зүйл ангиар яллаж байгаа ажээ.

medee.mn