Эрүүл мэндийн салбарт дутагдалтай зүйлүүд болон бий. Наад зах нь ашиглалтад орж чадаагүй төсөв мөнгө царцаагдсан хоёр ч эмнэлэг байна. Хэзээ барилгын ажил бүрэн дуусч ашиглалтад орох нь одоогоор тодорхойгүй. Эдийн засгийн хямралтай энэ цаг үед эрүүл мэндийн салбарын төсөв мөнгө жилээс жилд хумигдсаар байна.

Эрүүл мэндийн салбарын төсөв ДНБ-ий 2,3 хувийг эзэлдэг байгаа. Дэлхийн эрүүл мэндийн байгууллагаас ДНБ-ий таван хувийг эзлэхийг зөвлөдөг аж. Тэгэхээр ийм хэмжээний төсөв хэрэгтэй гэсэн үг. Ирэх 2017 онд эрүүл мэндийн салбарт 645 тэрбум төгрөг төсөвлөгджээ.

Энэ салбарт хөрөнгө оруулалт багассан гэдгийг салбарын сайд нь онцолж байна. Мөн эдийн засгийн хямралтай холбоотойгоор шинээр эмнэлэг барих боломжгүй болсон. Тус салбараас зардлаа нөхөхийн тулд олон улсын байгууллагууд руу хандсаны дүнд Азийн хөгжлийн банкнаас Улаанбаатар хотод хоёр том жишиг эмнэлэг барихаар болоод байна. Түүнээс гадна Сонгинохайрхан дүүрэгт шинэ эмнэлэг барих тендер явагдаж байна. Дараагийн ээлжинд Чингэлтэй дүүрэгт эмнэлэг барина. Мөн дөрвөн өрхийн эмнэлэг болон зургаан суманд эмнэлэг баригдаж, Ховд аймагт бүсийн оношилгоо эмчилгээний төв баригдана. Энэ бүхнийг Азийн хөгжлийн банкны санхүүжилтээр хийхээр болжээ.

shuurhai.mn