Туркийн Кайсери хотод халдлага гарчээ
Туркийн Кайсери хотын Эржиэс их сургуулийн хотхон орчимд өнөөдөр орон нутгийн цагаар 08.40 цагийн үед халдлага гарчээ. Тодруулбал, тус сургуулийн хотхон орчимд цэргүүдийн сууж явсан автобус руу тэсрэх бөмбөг ачсан авто машинаар амиа золиослогч халдлага үйлджээ. Туркийн зэвсэгт хүчний мэдээлж буйгаар 13 цэргийн албан хаагч нас барж, 48 хүн гэмтсэн байна.
Эржиэс их сургуульд манай улсын 23 оюутан суралцаж байгаа бөгөөд Анкара дахь ЭСЯ-наас оюутнуудтай утсаар холбогдоход "одоогоор монгол оюутан өртсөн эсэх талаар мэдээлэл байхгүй" гэжээ.
Эх сурвалж: ГХЯ
Сэтгэгдэл байхгүй байна.