Визний цаг гаргуулна гэж 32 сая төгрөг залилсан этгээдүүдийг баривчилжээ
Бүгд Найрамдах Чех улсын Элчин сайдын яамны цахим шуудангийн хаягийг хуурамчаар дуурайлган хийж, фэйбсүүк хуудаст "Чех улсад ажиллах урт хугацааны визний цаг гаргуулна” гэх зар тараадаг этгээдүүдийг Эрүүгийн цагдаагийн газрын Кибер гэмт хэрэгтэй тэмцэх хэлтсийн алба хаагчид баривчилжээ.
Хэрэгтнүүд өөрсдийгөө Элчин сайдын яаманд ажилладаг хэмээн худал мэдээлэл тарааж, Чех улсад ажиллах виз гаргуулах гэж буй хүмүүсээс дансаар мөнгө авч залилалдаг байжээ.
Хэрийг 1967 онд төрсөн А, 1987 онд төрсөн У нар өнгөрсөн наймдугаар сараас эхлэн үйлдэж байсан аж. Тэдэнд Эрүүгийн хуулийн тусгай ангийн 227.2-д зааснаар эрүүгийн хэрэг үүсгэн шалгаж эхэлжээ. Сэжигтнүүд өнгөрсөн хугацаанд нийт 35 иргэнээс 32 сая төгрөгийг залилан мэхэлж авсан болох нь мөрдөн байцаалтын явцад тогтоогджээ.
Т.Бэх
Сэтгэгдэл байхгүй байна.