Энэ асуултыг "Дэлхийн мисс”-ийн тэмцээнд эх орноо төлөөлөн оролцсон мисс А.Баярцэцэгт тавилаа. 

-"Дэлхийн мисст амжилттай оролцоход тусалсан бүх хүнд талархаж байна. Бид бүгдээрээ нэг баг болж ажиллаж чадлаа. Өөрийнхөө зорилгыг биелүүлж, шилдэг 11-т үлдэж чадсандаа баяртай байна. Би ирэх сард Монголдоо очино. Энд амжуулах ажлууд байгаа. Өнөөдөр Монголд агаарын бохирдын эсрэг жагсаал болно гэж сонссон. Амжиж очсон бол би энэ жагсаалд нэгдэх хүсэлтэй байлаа. Та бүхнийг жагсаалд оролцож, утааны эсрэг дуу хоолойгоо нэгтгээрэй гэж хүсье" гэсэн хариултыг тэр өгөв. 

АНУ-ын Вашингтон хотноо болсон "Дэлхийн мисс”-ийн тэмцээнд эх орноо төлөөлөн оролцсон мисс А.Баярцэцэг шилдэг 11 оролцогчийн нэг болж, авьяасын үзүүлбэрийн санал асуулгыг тэргүүлсэн билээ. 

Сонирхуулахад, миссийн шалгаруулалтын үеэр Диснейн Сан Франциско дахь агентлагаас түүнд "Мулан” уран сайхны кинонд шалгуулах урилга илгээсэн юм. Энэ талаар түүнээс сонирхсон ч тодорхой хариу өгсөнгүй. А.Баярцэцэг Америкийн Лос-Анжелес хотод жүжигчний мэргэжлээр суралцаж байсан бөгөөд өнгөрсөн жил "Netflix” компанийн бүтээл "Марко Поло” киноны хоёрдугаар цувралд монгол эмэгтэйн дүр бүтээж байсан туршлагатай. Түүнчлэн "Шүүдэр” продакшны бүтээл Өгөдэй хааны ач хүү Хайду хааны охин Хотол цагаан Ажуруг буюу Сарны гэрэл гүнжийн дүрд тоглосон. Энэ кино ирэх онд үзэгчдийн хүртээл болох ажээ.

Ч.БОЛ