-Баянзүрх дүүргийн ИТХ-аас нийслэлийн Засаг даргын гаргасан хоёр захирамжийг түдгэлзүүлж өгнө үү гэсэн хүсэлтийг шүүхэд гаргасан. Шүүх хүсэлтийг хүлээж авсан. Хүлээж авна гэдэг эцсийн хариу биш. Гаргасан шийдвэрийг түр түдгэлзүүлж байна гэсэн үг. Үйлчлэлийг нь царцааж байна гэж ойлгож болно. Үүнтэй холбогдуулан нийслэлийн Засаг дарга хэвлэлийн бага хурал хийснийг харлаа. Хуулийн хүмүүстэй уулзаж зөвлөгөө авахад өнөөдрөөс намайг ажлаа үргэлжлүүлэх боломжтой гэсэн. Дүүргийн Тамгын газрын дарга цагдаагийн байгууллагад хандаж 14:30 цагаас өмнө дүүргийн ЗДТГ-ын үйл ажиллагааг хэвийн явуулах боломжоор хангаж өгнө үү гэсэн хүсэлт гаргасан. Үүний дагуу ажлын байран дээрээ ирээд байна.

 

 

-Шүүхээс зургаан нэр дэвшигчийн гэм буруугүйг баталсан шийдвэр гаргачихаад байхад дүүргийн Сонгуулийн хороо тухайн өдөр нь өөрийнхөө гаргасан тогтоолыг хүчингүй болгоод эргээд нөхөн сонгууль зарласан. Энэ нь шүүхийн шийдвэрийг эс үйлдсэн явдал болсон. Өөрөөр хэлбэл, хүнийг ажлаас нь хууль бусаар халахад шүүхээс ажилд нь буцааж ав гэсэн шийдвэр гарсан. Гэтэл тэр өдөрт нь ажилд нь авсан захирамж гаргангуутаа эргээд халах захирамж гаргаж байгаатай адил. Тэгэхээр Сонгуулийн хороо цаашид үйл ажиллагаа нь хуулийн дагуу явуулж байгаа эсэхийг шүүх байгууллага тогтоох ёстой.

 

 

-Мэдээж эрүүгийн болон иргэн, захиргааны хуулийн олон зөрчил гарсан. Монгол Улс ардчилсан улс. Зөрчигдсөн эрхээ шүүхээр хамгаалуулдаг. Хэн нэгэн хүний эрхийг өмгөөлж өмнөөс нь арга хэмжээ авах эрх зүйн зохицуулалт байхгүй. Тиймээс хүний эрх зөрчигдсөн бол шүүхэд хандах ёстой. Үүн дээр бид хууль зүйн хувьд туслалцаа, зөвлөмж үзүүлэх зэргээр бүх талаас нь дэмжих болно.

 

 

-Надад өөр сонголт байхгүй. Засаг даргын үүрэгт ажлыг хийхээр хүлээлцсэн. Тэгэхээр ажлаа үргэлжлүүлээд хийхээс өөр сонголт байхгүй.

 

 

-Энэ бол дүүргийн ИТХ-ын маргаан учир ИТХ хуулийн хүмүүстэй хамтран ажиллах ёстой. Хамгийн гол нь иргэдийн сонголт эцсийн шийдвэр байх ёстой.