Бүсгүйчүүд гоо сайхандаа анхаарал хандуулж гоо сайхны барааг өргөнөөр хэрэглэдэг. Тэгвэл бүсгүй та урууландаа түрхдэг уруулын будаг хэрхэн бий болдог талаар хэр сайн мэдэх вэ.

Уруулын будгийн гуравны нэгийг чанаргүй нефтээс гаргаж авдаг байна. Уруулын будгийн шингээж авсан хортой бүх бодис аманд улмаар ходоодонд орж хүний биед муу нөлөө үзүүлдэг аж.

Энэ нь хоол боловсруулах эрхтнүүд, уруул, амны хөндийд хортой нэгдэл үүсэхэд хүргэдэг. Хамгийн алдартай уруулын будгуудад тугалга их хэмжээгээр агуулагдсан байдгийг уруулын будаг үйлдвэрлэдэг 30 гаруй үйлдвэрт судалгаа хийж нотолжээ. Тугалга нь өчүүхэн бага хэмжээтэй байсан ч өнгө будаг ихтэй уруулын будаг хүний биед сөргөөр нөлөөлж, оюуны чадавх, анхаарал төвлөрөх чадварыг бууруулж түрэмгий авиртай болгодог байна.

Дэлхийд алдартай сайн чанарын гэгдэх уруулын будагны тэргүүн компани "Ревлон”, "Кристиан Диор” зэрэг үнэтэй загварын бүтээгдэхүүнээс хорт бодис, тугалга ихээр илэрснийг эрдэмтэд нотлосон байна.

Эмэгтэй хүний биед тугалга ихээр хуримтлагдвал үр зулбах болон үргүй болох магадлал өндөр байдаг аж.

Тиймээс бүсгүй та уруулын будгаа аль болох зөв сонгож, нимгэн түрхэж байх хэрэгтэй. Мөн өнгө багатай уруулын будаг хэрэглэвэл тохиромжтой юм байна.