Монголын төрийг шунхай шулаачдийн үүр болгож буй хүний нэг бол Төрийн өмчийн хороон дарга асан Ц.Нанзаддорж. Тэрбээр удахгүй болох Ардчилсан намын дотоод сонгуульд Говь-Алтай аймгийн Намын хороон дарга болохоор санаархаж буй юм билээ. Алтайчууд энэ хүнээс олон жилийн өмнө арай гэж салсан. Төрийн өмчийг хувьдаа завшдагаараа алдартай Ц.Нанзаддорж 2015 онд АТГ-т албан ёсоор мэдүүлсэн хөрөнгө орлогыг сонирхоё. Говь-Алтай аймгийн Халиун суманд төрсөн Цагааны Нанзаддорж нь 10 га болон 1125 м/кв хоёр газартай. Газрын нийт үнэ нь 122 сая 500 мянган төгрөг. Нийт 45 сая төгрөгийн үнэ бүхий Toyota LEXUSES330болон Toyotaзагварын хоёр автомашинтай. Фловерс хотхонд 534 сая төгрөгийн үнэтэй 197.78 м/кв цутгамал бетон орон сууцтай. "Бобоми”, "Сарны титэм”, "Гурван гол холдинг", "Гурван гол бааз”, "Эрдэс таван толгой ХК зэрэг долоон компанид 4 тэрбум, 358 сая, 018 мянган төгрөгийн үнэ бүхий хувьцаа эзэмшдэг. Хөрөнгө орлогын мэдүүлэг өгч байх 2015 онд Н.Нанзаддоржийн Худалдаа хөгжлийн банкин дахь картанд 4 сая 926 мянга 600 ам.долларын үлдэгдэлбайсан бол Төрийн банкины төгрөгийн дансанд 2 сая, ХХБ-ны төгрөгийн дансанд 933 мянга, Хаан банкны төгрөгийн дансанд 373 мянган төгрөг байсан. Хамгийн сонирхолтой нь түүний 2011 онд төрсөн хүү "Э” нь Худалдаа хөгжлийн банкинд 2.3 сая ам.доллар болон 3 сая юанийн хадгаламжтай юм. Харин энэ үед Ц.Нанзаддоржийн Төрийн өмчийн хорооны даргын албан тушаалыг хашсаныхаа төлөө авч байсан цалингийн орлого нь жилийн 12 сая төгрөг гэж мэдүүлсэн байх юм.Жилдээ 12 сая төгрөгийн цалин авдаг ТӨХ-ны даргын заргаан настай хүү сая сая ам.доллар, сая сая юанийн хадгаламжтай байсан нь хамгийн ихээр анхаарал татаж байгаа. Энэ хүний хууль бус үйлдэл үүгээр тогтохгүй учир цаашид олон баримтуудыг дэлгэх болно.