Урлагийн насны зөрүүтэй хосуудын нэг "Х-түц” продакшины жүжигчин Т.Бархүү  И.Одончимэг нар билээ. Хосуудыг анх хайрын романс үүсгэж эхэлхэд шар хэвлэлээр нэлээдгүй шуугиан тарьж байсан. Өрөөсөө олон насаар дүү залуутай гэр бүл болж хөөрхөн хүүгийн ээж болсон алаг нүдэн И.Одончимэг танилцах санал тавьсан  эр хүнийг   эхнэрээс нь салгаж хүүхдүүдийн нулимс урсгахыг хүсээгүй учир олон жил ганц бие явсан гэдэг. Тэгвэл түүний насан туршийн заяаны хань болох Т.Бархүү өмнө нь гэр бүлтэй байсан гэнэ. Энэ талаар огт дурсдаггүй байсан бөгөөд энэ нууцаа нэгэн ярилцлагадаа ам алджээ. Тэрээр "Би Одноог шууд хараад анхны харцаар дурлаж хайрлаад байх нь юу юм. Ер нь бол бид хоёрын гэр бүл хайраас үүссэн. Гэхдээ тэр хайр маань 2007 оноос эхэлсэн. Тэрнээс өмнө бид өөр өөрийн гэсэн амьдралтай ажилтай хэн, хэн нь үр хүүхэдтэй байсан. Манай хүн ганц бие, харин би хүүхэдтэй гэр бүлтэй байлаа. Гэвч тодорхой шалтгааны улмаас би ганц бие болсон. Тэрнээс хойш буюу 2007 оноос бид хоёрын хайрын түүх эхэлсэн. Бид бие биендээ татагдсан тэрнээс жүжигчний карьериа хөөх, тэр хүний авъяасанд болсон ч гэх тийм зүйл байгаагүй. Зүгээр л хэн хэндээ хайрлах хайр байсан. Өнөөдөр хүртэл тэр хайр маань үргэлжилж байна даа .Мэдээж Одноогийн  гадаад төрх, хөөрхөн нүд, царай гээд бүгд таалагдсан. Зан чанарын хувьд шударга илүү дутуу зан, маяг байхгүй. Яг өөрөөрөө байж чаддаг нь надад таалагддаг″ хэмээсэн байна.

Эх сурвалж: Шуурхай.мн