Өөрөөсөө олон дүү найруулагч Баатартай хайр сэтгэлийн холбоотой болж, нөхрөөсөө салах өргөдлөө шүүхэд гаргасан гэдэг дуулианд өртөөд байгаа П.Анужин сүүлийн үед Баатар найруулагчтай ч сайн учраа олж чадахгүй, бас нөхрөөсөө ч бүрэн салж чадахгүй ёстой л ээдрээтэй хайрын торонд орооцолдоод байгаа хэмээн ойр дотных нь найз ам алджээ. Түүний төрсөн эцэг УИХ-ын гишүүн асан Буд. Буд аравдугаар ангид байхдаа өнгийнхаа охинтой үерхэж, хүүхэдтэй болсон гэдэг. Гэвч тэрээр Орост сурахаар явж, П.Анужингийн ээж мөн л ангийнхаа хөвгүүнтэй шинэ амьдрал эхлүүлж байжээ. Нэг ангийн гурван найз өнөөдөр ч найз нөхдийн холбоотой байдаг бөгөөд төрсөн, өсгөсөн аавууд нь П.Анужин бүсгүйг бүгд л дэмждэг гэсэн. П.Анужин ч гэсэн арван жилд үерхэж байсан ангийнхаа хөвгүүнтэй амьдрал зохиож хоёр охины ээж, аав болсон. Гэвч дөч хүрэх насан дээрээ босгосж бүтээсэн амьдралаа гэх үү, эсвэл хамтран ажиллагч залуугаа сонгох уу гэсэн хатуухан сонголтын өмнө тэрээр тулгарч ирээд байна. П.Анужингийн нөхөр Эрдэнэбат шинэ цагийн чинээлэг баячуудын нэг. "Шивээ овоо" ХК-ийн эзэмшилд байсан нүүрсний орд газрын лицензийн 85 хувийг гартаа оруулсан зайтай эр. Гэвч түүний эд хөрөнгө П.Анужинг тогтоож барьж дийлэхээ байсан бололтой. Учир нь Монгол тулгатны 100 эрхэм нэвтрүүлгээр олны танил болсон тураах төвийн багш П.Анужин "Тэр мөрүүдийг бичиж байхад нүдэнд нулимс хурж байсан. Хайрлагдана гэдэг арга биш, заль биш, хайрлагдана гэдэг хүний хайр татам байхыг хэлнэ гэж боддог. Эмэгтэй хүнд үнэтэй тансаг машин, хэдэн давхар хаус, хэдэн авдар алт хэрэггүй...Энэ бүхэн хангалттай байлаа ч эмэгтэй хүнд нэг л зүйл дутдаг юм. Тэр бол хайр...магадгүй одоогийн энэ нийгэмд өнгө мөнгө чухал гэх байх л даа. Гэхдээ энэ бол үзэл материалист үзэл. Ямар ч үед дэргэд нь уул шиг нөмөр болдог үүл шиг зөөлөн сэтгэлтэй эр хүн л хэрэгтэй. Чамд ямар нэгэн алт мөнгө, алдар хүнд байхгүй байж болох ч хамгийн гол нь түүнийгээ гэсэн сэтгэл байвал чи эмэгтэй хүний хувьд хэзээд ”ХААН” нь байх болно” хэмээн бичжээ. Түүний энэ бичлэгийг уншсан олон хүн П.Анужин шинэ амьдрал, шинэ хайрыг хүсэж нөхрийгөө бүрмөсөн орхихоор шийджээ хэмээн таамаглаж сууна.

www.shudarga.mn