Дэлхийн гоо сайхны олимпд эх орноо төлөөлөл амжилттай оролцоод ирсэн мисс Ц.Энхжин өнөөдөр эх орондоо ирлээ. "Дэлхийн мисс" тэмцээний үндсэн долоон шалгуураас зургаад нь шилдэгээр шалгарч гуравт нь түрүүлсэн тэрээр тэмцээний финалын шатны шилдэг 15-д багтаж чадсан билээ. Түүнийг нисэх онгоцны буудал дээр хэвлэл мэдээллийнхэн болон түүнийг дэмжигсэд угтан авсан бөгөөд тэрээр "Намайг чин сэтгэлээсээ дэмжиж байсан бүх хүмүүстээ маш их баярлалаа. Хамтран ажилласан байгууллага болон багийнхан, гэр бүлийнхэндээ, найз нөхөд, ажлыхандаа маш их талархаж байгаагаа илэрхийлмээр байна. Бид цөөхүүлээ, гуравхан сая байж гурван шагналын эзэн болж чадлаа. Тэгэхээр энэ маш том амжилт гэж би бодож байна. Тийм учраас маш их талархаж байгаа. Дараагийнхаа оролцох миссийг эртнээс бэлдэж эхлэе гэж бодож байгаа. Маш сайн сойж байгаад амжилтаа ахиулахын тулд өөрийнхөө зүгээс чадах бүхнээ хийж хувь нэмэрээ оруулах болно. Миний хувьд би өөрийнхөө бүх хүч чадлаа дайчилж оролцсон байгаа. Хорин дөрвөн жилийн турш өөрийгөө бүх талаар хөгжүүлсний үр дүн маань гарсан. Тиймдээ ч энэ долоон шалгаруулалтын зургаад нь шилдэгт шалгарч чадсан. Өөрийнхөө чадах бүх зүйлсийг тултал нь хийсэн учир харамсах зүйл байхгүй байна. Эцсийн мөчид шүүгчдийн шийдвэр шилдэг 15-д үлдээсэн. 

Миний хувьд намайг хамгийн эхэнд дуудна гэж бодоогүй байсан. Тийм болохоор маш их баярласан. Шилдэг 15-д орно гэдэгтээ итгэлтэй байсан. Гэхдээ эхэнд дуудагдана гэж бол бодоогүй байсан" хэмээжээ.  

Ж.Сондор

Эх сурвалж : ZONE.MN