300 МЯНГАН ТОНН САЙЖРУУЛСАН ТҮЛШ ҮЙЛДВЭРЛЭЖ БАЙНА

0 57

300 МЯНГАН ТОНН САЙЖРУУЛСАН ТҮЛШ ҮЙЛДВЭРЛЭЖ БАЙНА

 "Эрдэнэс-Тавантолгой” ХК ирэх тавдугаар сараас нийслэлийг Тавантолгойн сайн чанарын сайжруулсан түлшээр хангахаар төлөвлөснөө өчигдөр танилцуулав.

Засгийн газрын тогтоолоор ирэх тавдугаар сарын 1-нээс нийслэлд түүхий нүүрс ашиглахыг хориглосон. Энэ хүрээнд Тавантолгойн сайжруулсан нүүрсээр хангах бөгөөд уг нүүрс Налайх, Багануурын уурхайн нүүрстэй харьцуулахад үнс бага, илчлэг өндөр юм байна.

Мөн химийн хорт хавдар үүсгэдэг бодис бага гэдгийг албаны хүмүүс онцолж буй.

Багануур, Налайхын уурхайн нүүрс нь 37 хүртэлх хувийн үнс үлдээдэг бол Тавантолгойн нүүрс долоо хүртэлх хувийн үнслэг үлдээдэг байна. Өөрөөр хэлбэл, үнс бага үлдэнэ гэдэг нь бүрэн шаталт явагдаж байгаагийн илрэл учраас агаарын бохирдол тэр хэмжээгээр буурах аж.

Энэ талаар "Эрдэнэс-Тавантолгой” ХК-ийн гүйцэтгэх захирал Б.Ганхуяг "Одоогоор 300 мянган тонн сайжруулсан түлш үйлдвэрлэж байна. Удахгүй хоёр шугам нэмэгдэхээр төлөвлөсөн. Ингэхээр нийт 700 мянган тонн сайжруулсан түлш үйлдвэрлэх боломжтой болно. Нийслэлийн гэр хороололд 1.2 сая тонн нүүрс хэрэглэдэг. Дээрх 720 мянган тонн сайжруулсан түлшийг тасралтгүй 24 цагийн үйлдвэрлэл явуулж байж нийлүүлэх боломжтой. Одоо бол агуулахдаа нөөц бүрдүүлэхээс аргагүй байна.

Харин тавдугаар сарын 15-наас хойш түүхий нүүрс нийлүүлэхээ болино. Үүний тулд бид нөөцөө хангалттай авах хэрэгтэй. Мөн Тавантолгойн сайжруулсан түлш хямд үнээр худалдаалагдана” гэлээ.

О.Гэрэл
Оллоо.mn

 

Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler

Сэтгэгдэл байхгүй байна.