Манай улсад коронавирусний халдварт өвчний нөхцөл байдал улам дордож байна хэмээн Францын Ерөнхий сайд Жан Кастекс Үндэсний аюулгүй байдлын зөвлөлийн хуралдааны дүнд мэдэгджээ.

 "Сүүлийн үед Францад хэт халаад буй нь коронавирусний халдварт өвчний нөхцөл байдлыг дордуулж өөр нэгэн сөрөг үр дагаврыг үүсгээд байна. Гурван долоо хоногийн өмнө нэг өдрийн дотор мянган хүн халдвар авч байсан бол одоо өдөрт халдварын 2000 тохиолдол шинээр бүртгэгдэж байна. Орон даяар эмнэлэгт хүргэгдэж буй хүний тоо нэмэгдсээр долоо хоногт 800-д хүрч байгаа бол сэхээн амьдруулах тасагт долоо хоног тутамд 100 хүн хүргэгдэх боллоо. Гурван долоо хоногийн өмнө нэг өдөрт халдварын 5 голомт бүртгэгдэж байсан бол одоо энэ үзүүлэлт 25 болж нэмэгджээ. Энэ бүхэнд санаа зовнихгүй байхын арга алга” хэмээн тэрбээр ярьсан байна. 

Таван мянга гаруй хүн оролцсон арга хэмжээ явуулахыг хориглосон шийдвэрээ 10 дугаар сарын 30 хүртэл сунгаж байгаагаа Францын Ерөнхий сайд мэдэгджээ. Түүнчлэн тус улсад иргэдийг шинжилгээнд өргөнөөр хамруулж байгаа аж. 

"Болж буй зүйлд бид хамтдаа хариу алхам хийхгүй бол өөрсдийгөө эрсдэлд оруулах аюултай байна. Нөхцөл байдал улам дордож буйтай холбогдуулан эрх баригчид шаардлагатай бүхий л арга хэмжээг авна” хэмээн Кастекс мөн хэлсэн байна.