ГАЗРЫН ТОСНЫ АРИЛЖААЧИД ҮНЭ 200 АМ.ДОЛЛАР/БАРРЕЛЬ ДАВАХ БОЛОМЖТОЙ БОЛОХЫГ САНУУЛЛАА Онцлох мэдээ 2022/03/29 0 Дэлхийн хамгийн нэр хүндтэй газрын тосны худалдаачид 2022 онд газрын тосны үнэ одоогийн түвшнээс давж, 200 ам.доллар/баррелиас дээш хүрэх магадлалтай гэж хэлж байна. "Financial Times"-ын мэдээлснээр түүхий эдийн үнэ ийнхүү өсөх болсон шалтгаан нь ОХУ-ын эсрэг олон улсын хориг арга хэмжээ нэмэгдэж байгаа, дэлхий дахинд нийлүүлэлтийн өөр эх үүсвэр байхгүй байгаатай холбоотой гэв. Тус салбарын хамгийн алдартай эрсдэлийн сангийн менежерүүдийн нэг болох Пьер Андоураны үзэж буйгаар эдийн засаг хэдхэн сарын дараа хэвийн үйл ажиллагаандаа эргэж орох боломжгүй. Европ тив Оросын нийлүүлэлтээс үүрд татгалзах тохиолдолд 2022 онд газрын тосны үнийг 250 ам.доллар/баррельд хүргэх болно гэв. RCMA-ийн түүхий эдийн худалдааны сангийн тэргүүн Даг Кинг энэ онд газрын тосны үнэ 200-250 ам. доллар/баррель болж өснө гэж таамаглаж байна. Тэрээр үнийн өсөлтийг тайлбарлахдаа одоогийн үүсээд буй нөхцөл байдал түр зуурынх биш бөгөөд энэ нь газрын тосны нийлүүлэлтээс үүдэлтэй цочрол байх болно гэж хэлэв. Эх сурвалж: Трейдеры предупредили о скачке нефтяных цен выше $200 за баррель - ПРАЙМ, 24.03.2022 (1prime.ru) 0
Сэтгэгдэл байхгүй байна.