3х3 сагсан бөмбөгийн 23 хүртэлх насны залуусын дэлхийн аварга шалгаруулах тэмцээн Румыны нийслэл Бухарест хотод үргэлжилж байна.

Тэмцээний А хэсэгт багтсан Монголын 23 хүртэлх насны эрэгтэй шигшээ баг хоёр дахь тоглолтдоо Словакийг 21-14 харьцаагаар хожлоо.

Монголын шигшээ баг А хэсэгт Хятад, Чили, Латви, Словакийн шигшээ багуудтай нэг хэсэгт багтсан бөгөөд эхний тоглолтдоо Хятадын шигшээ багт 18-20 харьцаагаар хожигдоод байв.

Шигшээ багийн бүрэлдэхүүнд Б.Алтангэрэл, Ч.Ихбаяр, Х.Мөнхтөр, Л.Авирмэд нар багтаж байна. Тэд 10-р сарын 7-ны 17:35 цагаас Латви, 19:25 цагаас Чилийн шигшээ багтай тоглоно.