УБТЗ-ын хурган даргын гэрээс их хэмжээний бэлэн мөнгө олдсонд иргэд ихэд эгдүүцсэн. Гэвч уг асуудал одоог хэр нь шийдэгдээгүй байгаад гайхах хүн олон. УБТЗ-ын Орлогч дарга С.Батдөлийн дээд шатны дарга бол УБТЗ-ын дарга Х.Хэрлэн гэх хүн. 2021 онд одоо байгаа энэхүү албан тушаалдаа  томилогдсон төдийгүй түүний хөрөнгө орлогын мэдүүлэг ч олныг гайхшруулам. Учир нь АТГ-аас гаргаж өгсөн хөрөнгө оруулагын мэдүүлэгээс харахад түүний орлого огцом өссөн буюу нэг жилийн орлого 115 саяас 1.4 тэрбум төгрөг болтлоо өссөн байгаа юм. 

Тодруулбал, 2017 онд 115 сая төгрөгийн орлоготой байсан тэрээр 2018 онд 154 сая, 2019 онд 492 сая төгрөг олсон бол 2020 онд өөрийн олсон орлого 1,4 тэрбум төгрөг болж огцом өсжээ. 

Харин гэр бүлийн гишүүд жилийн 25 сая төгрөгийн орлоготой бол тэрээр 2.5 тэрбумын үнэлгээтэй хувийн оффис, авто зогсоолтой, 430 сая төгрөгөөр үнэлэгдэх туулах чадвар өндөр Land Rover, Range rover-1 автомашинтай.  425 сая төгрөгт үнэлэгдэх үнэт эдлэл, дотоодын хадгаламжиндаа 1.1 тэрбумын хадгаламжтай аж. Харин өнгөрсөн жил буюу 2022 онд түүний АТГ-т өгсөн ХОМ ямар гарахыг мэдэхгүй ч төмөр замын салбарын алба хаагч, хурган дарга нар энэ мэтээр авилгаар хөрөнгөжиж, амьдрал ахуйгаа өөд нь татдаг байж болзошгүй юм.  Ийнхүү түүний орлого гуравхан жилийн хугацаанд огцом өссөнд гайхах ч шаардлагагүй. Учир нь УБТЗ-ын Тээвэр зохицуулалтын албаны дарга С.Батдөл ч мөн адил энэхүү албан тушаалд 2021 онд томилогдсон бөгөөд богино хугацаанд хөрөнгөжсөн хэмээн түүнийг АТГ-аас шалгаж буй.   

Тэрээр шүүх хурал дээрээ өөрийн хийсэн гэмт хэрэгээ хөнгөн хэмээн дүгнэж цагдаад хоригдох шаардлагагүй хэмээн хээв нэг аашлаж байгаа нь энэ салбарынхны хувьд авилгын асуудал энгийн үзэгдэл мэт бололтой. Мөн түүнчлэн С.Батдөлийг эх үүсвэр тодорхойгүй их хэмжээний мөнгийг хуулийн этгээд орон сууц, үнэ бүхий үүрэг телефоны 9911-тэй дугаар зэргийг өөрийн хамаарал бүхий хүмүүсийн нэр дээр худалдан авч дамлан зарж мөнгө угаадаг байж болзошгүй хэмээн цагдан хорьж байж болзошгүй хэмээн зарим хэвлэл мэдээллийн хэрэгслээр мэдээллээд буй.

Алба хаагчдаа энэ хүртэл өөхшүүлэн, одоог хэр нь ямар ч тайлбар мэдээлэл хийхгүй байгаа Улаанбаатар Төмөр замын дарга Х.Хэрлэн ямар учиртай болоод өнөөдрийг хүртэл ганц үг ган хийхгүй байгаад гайхаж байна. Өөрийн хариуцаж буй салбараа авилгын асуудлаар цэцэглүүлж, сэвтээсэн түүнийг ч мөн адил холбогдох байгууллагаас мөрдлөг хийж шалгах нь ёсзүйн хувьд  ч байх ёстой зүйл. Учир нь Төмөр зам бол Монгол Улсын эдийн засгийн хөшүүргэ болсон ганцхан салбар. Тиймээс Ерөнхий сайд Л.Оюун-Эрдэнэд энэ мэт бэлэн мөнгөн дээр суусан мэргэжлийн бус хүмүүсээ яаралтай суудлаас нь татаж, мэргэжлийн албан хаагчдаар төмөр замын салбарыг удирдуулах хэрэгтэй байгааг дуулгая...

BOLOD.MN