Г.Тэмүүлэн НАМЗХ-ны ерөнхийлөгч болов
Монгол ардын намын залуучуудын байгууллага болох Нийгмийн ардчилал, Монголын залуучуудын холбооны ээлжит зургаадугаар хурал өнгөрсөн амралтын өдрүүдэд болсон. Хурлаар дүрмийн өөрчлөлт, зохион байгуулалтын асуудлыг хэлэлцсэн бөгөөд ерөнхийлөгчөө томилсон байна. НАМЗХ-ны ерөнхийлөгчид Уул уурхайн дэд сайд Г.Тэмүүлэн ганцаараа нэр дэвшиж, 100 хувийн саналаар сонгогдсон байна. Заалнаас өмнөх ерөнхийлөгч Л.Оюун-Эрдэнийг нэр дэвшүүлсэн ч тэрээр нэрээ татсан аж.