БНХАУ-ын төрийн эрхэнд шинэ үеийн буюу тавдугаар үеийн удирдагчид гарч ирмэгцээ авлига, хээл хахуулийн эсрэг эрс хатуу тэмцэл өрнүүлэхээ мэдэгдэж байв. Өнгөрсөн бүх түүхийнхээ турш бусдыг авлигадаж, хээл хахуулиар хэрэг зоригоо бүтээж ирсэн хятадууд ийм юм ярьж эхлэхэд үнэхээр гайхал төрж байлаа. Авлига хээл хахуулийг хятадуудаас салгаж ойлгохын аргагүй. Энэ гурван үг бол хятад хүний онцлогийг илтгэдэг, бараг л энэ үндэстний давуу тал гэж хэлж болохуйц зүйл шүү дээ. Бусдыг өөртөө урвуулан татах, эд хөрөнгийг нь шамшигдуулах, албан татвараас бултах, ах дүү амраг саднаа арилжих гээд хятад хүнд авлига, хээл хахуулийн хүчээр хйихгүй юм байхгүй. Хэн их хахууль өгнө түүний хэрэг амархан бүтнэ гэсэн зарчим ч энэ ард түмний дунд амь бөхтэй оршдог. Гэтэл үүний эсрэг тэмцэнэ гэсэн нь үл бүтэх санаа мэт санагдаж байсан юм. Мафийн эх орон Италийн комиссарууд мафийн эсрэг тэмцэл хийсэн явдал тэдэнд улам зориг өгсөн юм болов уу гэж хүртэл бодогдож байв. Гэвч авлига, хээл хахуулийн эсрэг хийсэн хятадуудын тэмцэл санасныг бодоход далайцтай өрнөж, чамгүй үр дүнд хүрч, Хятадын коммунист намыг задлан нураах хэмжээнд хүрч очоод байгаа юмсанж. Учир нь Хятадын "Триад” буюу мафийн гурвалууд төрийн өмчийг шамшигдуулан идэж авлигын мөнгөөр хөлжсөн этгээдүүдийг төрийн нэрийн өмнөөс залхаан цээрлүүлж "хосыг нь шувтрах” ажилд идэвхийлэн оржээ.

Ингэхдээ тэд хэн их хэмжээний авлига авсан байна түүнийг онилж аваад зүйл бүрээр дарамтлан их хэмжээний мөнгө төгрөг нэхэж авдаг болсон аж. Хууль бусаар хөлжигсөдийн хууль хүчнийхэн хамгаална гэж юу байхав. Тэгээд ч "Намайг дарамталж их хэмжээний мөнгө нэхээд байна” гэсэн гомдол гаргаж гэмээнэ өөрөө өөрийнхөө булхайг дэлгэснээс ялгаагүй болох тул мафийнхны дарамтанд орсон хүмүүс хүссэн мөнгийг нь өгөөд хувхай хоосон болж үлддэг болжээ. Харин өгөхгүй гэж гүрийсэн нэгний фактыг мафийнхан хууль  хяналтынханд өгч Хятадын цагдаа нар шууд бариад авдаг болсон байна. Жишээ нь БНХАУ-ын Цэргийн төв зөвлөлийн орлогч дарга хурандаа генерал Шюй Цэйхүй саяхан ийм аргаар цэргийн шүүхийн гарт орсон байна. Тэрбээр өмнө нь өөрийг нь сүрдүүлсэн мафийнханд гурван ч удаа 100 саяас 500 сая юань өгч байсан аж. Гэвч гэмт этгээдүүд түүнийг хамаг хөрөнгөө буюу Шанхай дахь худалдааны газрын барилгаа хүртэл өгөхийг шаардахад нь Шюй Цэйхүй тэдэнд салаавч үзүүлснээр авилгын булхай нь дэлгэгдэж, цэргийн шүүхийн гарт орсон ажээ. Мөн Гуандун хотын коммцнист намын дарга Вань Цян Лян авилгаар цуглуулсан мөнгөө банкинд хийж зүрхлэхгүй асар том төмөр чингэлэгт хийгээд газарт булсан байсныг мафийнхан мэдээд айлган сүрдүүлсээр тал мөнгийг нь авсныхаа дараа ахин мөнгө нэхэж, Ван Цян Лян эрс татгалзсан хариу өгснөөр бас л Аюулаас хамгаалах яамныханд баригдаж газар доор нуусан мөнгөө, бас бус нууц зоорио зааж өгөн шоронд хоригдоод байгаа аж. Ийм төрлийн гэмт хэрэг сүүлийн үед Хятадад толгой дараалан гарах болж хууль бусаар хөлжиж баяжсан Хятадын коммунист намын олон гишүүн амиа хорлохоос наахнуур сандран тэвдэж эхэлсэн байна. Хятадын шинэ үеийн удирдагчдын авлига, хээл хахуулийн эсрэг хийж буй хатуухан тэмцэл ийнхүү Хятадын гэмт хэргийн бүлэглэлүүдийг улам бүр хөлжин баяжихад тус дэм болж эхэлсэн нь хачирхалтай. Нэг үгээр хэлбэл тэд цагдаа шүүхийнхний бууны нохой мэт ажиллаж төрийн нэрээр хөрөнгөжсөн хүмүүсийг сайтар судалж, тэдний тухай баримт цуглуулаад дарамтлан сүрдүүлж хамаг хөрөнгийг нь салгаад эцэст нь хүчнийхний гарт барьж өгдөг болсон аж.

Тэгвэл манай улсад ч гэсэн Хятадын мафийнхны энэ арга эрчимтэй хэрэгжиж төрийн өмчөөс шамшигдуулсан, төрийн нэрээр авлига авч баяжсан, тендер төслийн мөнгө идсэн хурган дарга нар эрүүгийн гэмт хэрэгтнүүдийн атганд орж дарамтлуулах явдал мэр сэр гарах болсон байна. Зарим нь энэхүү байдлаас гарахын тулд хуулийн байгууллагынханд бүх үнэнээ хэлээд уйлан хайлан очиж байгаа юм байх. Ийнхүү урд хөрш болон манай улсад эрчимтэй явагдаж байгаа авлигатай тэмцэх үйл ажиллагаа нь хууль бус этгээдүүдийг хөлжин баяжихад дэм болж байгаа явдал бол муу үйл дагуулдгийн жишээ гэлтэй. Олон зуун жилийн турш ужиг хууч өвчин болтол бугшсан авилга, хээл хахуулийн эсрэг хийж байгаа тэмцэл нь авлигачдыг илчилж, гэм бурууг нь хүлээлгэж, гэсгээн цээрлүүлж байгаа нь үнэн боловч цаагуураа хууль бус гэмт бүлэглэлүүдийг улам хүчирхэгжүүлээд байвал ямар үр дүнд хүрэх нь тодорхой.