БРИКС-ийн орнуудын төв банкны төлөөлөгчид эдийн засгийн хямралын үед бие биедээ харилцан дэмжлэг үзүүлэх гэрээнд өчигдөр /07.08/ гарын үсэг зурлаа.

Ийм сан байгуулснаар долларын ханш огцом унах эсвэл өсөх тохиолдолд БРИКС-ийн гишүүн улс орнуудын төв банкнууд бие биедээ харилцан дэмжлэг үзүүлэх зорилготой аж. Түүнчлэн тус сан нь гишүүн орнуудын санхүүгийн тогтвортой байдлыг хангахад чиглэсэн аюулгүй байдлын механизм гэж мэдээлжээ.

Тус сангийн нийт хөрөнгө нь 100 тэрбум ам.доллар бөгөөд үүний

• 41 тэрбум ам.долларыг Хятад улс
• Бразил, Энэтхэг, Орос улс тус тус 18 тэрбум ам.доллар
• Өмнөд Африк 5 тэрбум ам.доллар хуваарилахаар болжээ.

Олон улсын эдийн засагчид АНУ, ЕХ-ны эрх баригчид ОХУ-ын эсрэг авах шинэ хориг арга хэмжээнээс хамгаалж тус санг байгуулж байна гэж үзэж байгаа юм.

Эх сурвалж: РИА Новости