Чилийн шүүхээс чөлөөндөө гарсан долоон цэргийг 1986 онд  хоёр оюутныг шатаасан хэргээр яллаж байна.

1986 онд болсон Гэн Августа Пиночэттийн засгийн газрын эсрэг жагсаалын үеэр тухайн үед оюутан байсан Кармен Глориа Квинтана болон Родриго Рожас нарыг цэргүүд санаатайгаар галдан шатаажээ.

Цэргүүд  тэднийг галдан шатаасны дараа Сантьяго хотын захад хаяж явсан байна.

Азаар тэд эмнэлгийн түргэн тусламж цаг алдалгүй авснаар амь мултарсан ч Родриго Рожас дөрвөн хоногийн дараа шархаа даалгүй нас баржээ.

Олон жилийн турш дарагдсан  энэ хэргийг хуучин цэрэг Фернандо Гузман илчилснээр хэрэг нээгдлээ. Фернандо Гузман гэр бүлийг нь заналхийлж байсан тул энэ хэргийн үнэн мөнийг нуун өмнө нь худал мэдүүлэг өгч байсан аж.

Тухайн үед шатаагдаж байсан Кармен Квинтана нь одоо Канад дах Чилийн элчин сайдын яаманд ажилладаг бөгөөд хэзээ нэгэн цагт хэргийн үнэн илчлэгдэх болно гэж хүлээдэг байсан хэмээн дурдаад шүүхээс тэднийг үнэнээр шүүнэ гэдэгт итгэж байна хэмээсэн юм.

Энэ хэрэгт зургаан цэргийг сэжигтнээр, мөн нэг цэргийг хамсаатнаар баривчлаад байна.