Ливийн удирдагч агсан, хурандаа Муаммар Каддафигийн хүү Сейф аль-Ислам Каддафид Ливийн шүүхээс цаазаар авах ял оноолоо.

М.Каддафигийн хүүхдүүдээс амьд үлдсэн цорын ганц хүүг нь хууль сахиулагчид энгийн иргэдийг хүчирхийлж, хууль бусаар хорьж байсан гэсэн үндэслэлээр буруутгаж байгаа юм.

Сейф аль-Исламд ял онооход тэрбээр шүүх танхимд байгаагүй бөгөөд одоогийн байдлаар түүнийг Ливийн Зинтан хотын шоронд хоригдож байгаа юм.

Түүнчлэн Каддафигийн үед Ерөнхий сайд байсан Аль Багдади аль Махмуди нарын найман хүнд мөн цаазаар авах ял оноосон байна.  

2011 оны сүүлээр Ливийн босогчдод баривчлагдсан Аль-Исламын шүүх хурал 2013 оны аравдугаар сард эхэлсэн. Олон улсын эрүүгийн шүүх хурандаа Каддафигийн хүүгийн хэргийг Гаага руу шилжүүлэхийг  хүссэн боловч Ливичүүд үүнийг эсэргүүцжээ.

Гаагийн шүүх Аль-Исламд Ливийн дайны гэмт хэргээр яллахаар эрэн сурвалжилж байгаа боловч Ливийн хууль сахиулагчид түүнийг Триполи хотод шүүж, ялын дээд хэмжээ онооно гэдгээ мэдэгдэж байсан юм.

Эх сурвалж: ВВС