Ерөнхийлөгч Ц.Элбэгдорж дөнгөж сая Соёлын төв өргөөнд Прокурорын байгууллагын түүхт 85 жилийн ойд оролцож үг хэллээ. Ерөнхийлөгч Хууль, Шүүхийн салбарт өрнөж буй асуудлаар тодорхой байр сууриа илэрхийллээ.

Тэрээр хурлын үеэр Өршөөлийн хуульд хориг тавина гэдгээ мэдэгдсэн. Мөн тэрбээр хэлэхдээ "Би прокурор, би мөрдөн байцаагч, би шүүгч гэж үнэмлэхний цаанаас ард түмнийг доромжилж, хүн дээрэлхэхээ боль. Дүрэмт хувцасаа зөв өмс.  Авлигачдыг өөгшүүлсэн хуулийг төрийн босгоор алхуулахгүй. Зарим авлигач салхилах гэж Монголд ирдэг юм байна. Төрийн ордон салхилдаг газар бишээ. Салхилмаар байгаа бол хамсаатнуудаа авчир аа. Оргон зайлсан дүүгээ, туслахынхаа ахыг авчираа. Гаргасан зүйлээ авчрах гэж гадны улс руу явж байна. Тэгээд чоно борооноор гэгчээр Өршөөлийн хууль батлагдангуут эх орноо санасан гэх нэрийдлээр монголдоо ирж байна. Энэ ажиллаж байгаа цаг үедээ монголын хуулийн хэрэгжүүлэхийг дэмжье. Одоо монголууд авилгачдын эрхшээлд амьдрах уу тийм бодолтой байгаа хүмүүт үгүй гэж хэлье. Тийм хүмүүст дураа тат гэж хэлье. Авилгачдын эрхшээлд биш хуулийн эрхшээлд амьдаръя. Үнэн үгийг хэрэгтэй үед хэлдэг үгийг л үнэн үг гэдэг юм. Авилгалтай тэмцэж буй энэ шударга ажилтнуудад ийм үг хэрэгтэй байгаа. Тийм хүмүүсийг мохоож болохгүй. Бидний бие мөнх биш. Монгол мөнх гэдгийг би хэлье” гэсэн юм.

Тун удахгүй Ерөнхийлөгчийн хэлсэн үгийг бүрэн эхээр нь хүргэх болно.

Г.Ган