Япон улсын нийслэл Токио хотын өмнөд хэсэгт орших Ханеда нисэх буудлын ойролцоо томоохон хэмжээний гал гарчээ.

Ханеда нисэх буудлын ойролцоо орших Nippon Steel-н гангийн үйлдвэрт гал гарсан бөгөөд уг ослын үеэр гэмтэж бэртсэн хүн байхгүй талаар албаны хүмүүс мэдэгдлээ.

Гал командынхны AFP-д өгсөн мэдээллээр галын дөл дээш агаарт хоёр метр хүрсэн байна.

Ханеда нисэх буудал нь Токио хотоос 25 км-н зайтай орших бөгөөд гал гарсан гангийн үйлдвэр Ханеда буудлын дараагийн буудал буюу Кавасаки хотод байрладаг аж.

NHK-н мэдээлж буйгаар гал түймрийн улмаас нисэх буудлын үйл ажиллагаанд ямар нэгэн доголдол гараагүй аж.

Уг түймэр Япон улсад болсон хоёр дах их хэмжээний осол боллоо. Үүнээс өмнө Сагамихарад орших АНУ-н цэргийн баазад дэлбэрэлт болсон юм.