Чилийн газар хөдлөлтөөр таван хүн нас барлаа Шинэ мэдээ 2015/09/17 0 Чилийн төв хэсэгт өчигдөр орой орон нутгийн цагаар 17.54 цагт маш хүчтэй буюу 8.3 баллын хүчтэй газар хөдөлсөн тухай мэдээллийг бид өмнө нь хүргэсэн. Тэгвэл уг газар хөдлөлтийн уршгаар хамгийн багаар бодоход таван хүн амиа алдаж, 10 гаруй хүн гэмтэж бэртсэн гэсэн мэдээллийг Чилийн Ерөнхийлөгч Мишель Бачелет мэдээлжээ. Мөн үүний улмаас Чилиэс Перу улс хүртэлх номхон далайн эрэг хавийн бүс нутагт цунамигийн түгшүүрийн дохиог өгөөд байгаа юм. Энэ удаагийн газар хөдлөлтийн голомт нь нийслэл Сантиага хотоос хойш ойролцоогоор 228 км далайн эргийн орчимд байсан бөгөөд гүн нь ойролцоогоор найман км-т байсан аж. Хүчтэй газар хөдөлтийн чичиргээн Чилиэс 1400 км алслагдсан Аргентинын нийслэл Буэнос Айрес хотод ч мэдрэгдсэн байна. 0
Сэтгэгдэл байхгүй байна.