Тахарын Ерөнхий газраас санаачлан Баянзүрх дүүргийн Засаг даргын тамгын газартай хамтран "Хүүхдийг хүчирхийллийн гэмт хэргээс урьдчилан сэргийлэх, эрх зүйн туслалцаа үзүүлэх нь” сэдэвт сургалтыг 2015 оны 9-р сарын 25-ны өдөр тус дүүргийн ЗДТГ-ын хурлын танхимд зохион байгууллаа.

Уг сургалтад ерөнхий боловсролын сургуулийн нийгмийн ажилтнууд оролцож тэднээр дамжуулан ерөнхий боловсролын сургуулийн сурагчдад, бага насны хүүхдийг хүчирхийллээс хамгаалах,гэмт хэргийн хохирогч хүүхдийн сэтгэл зүйн онцлог, тэдэнд сэтгэл зүйн туслалцаа үзүүлэх, хүүхдийн эрхийг хамгаалах талаарх мэдээллийг хүргэх нь энэ сургалтын ач холбогдол оршиж байна.

Энэхүү сургалтанд оролцогчдод Хүний эрхийн Үндэсний комисс, Тахарын ерөнхий газар,Улаанбаатар хотын Цагдаагийн газрын гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх хэлтэс, Хүчирхийллийн эсрэг Үндэсний төв, Хүйсийн тэгш эрхийн төв төрийн бус байгууллагуудын сургагч багш нар хүүхдийн эрхийг хамгаалах, тэднийг гэмт хэргээс урьдчилан сэргийлэх туслалцаа дэмжлэг үзүүлэх чиглэлээр мэдээ мэдээлэл хүргэлээ.