Өчигдөр "Дүнжингарав" худалдааны төвийн түрээслэгчид болон удирдлагуудын хооронд дэгдсэн түрээсийн мөнгөний талаарх маргаан олны анхаарлыг татлаа. 
 
Сар шинийг угтаж түрээсний үнээ нэмж ашиг олох гэсэн удирдлагууд хэрэглэгчдийн эрх ашгийг уландаа гишгэсэн ажээ. Учир нь тус худалдааны төвийн удирдлагууд түрээслэгчдэдээ урьдчилан мэдэгдэлгүй түрээсийн төлбөрөө нэг сарын хугацаанд /1'500'000 төгрөгний түрээсээ 1'800'000 төгрөг/ болгосон ажээ.

 

Мөн Түрээслэгчид хэлэхдээ: Дүнжингарав худалдааны төв жилийн 12 сард орлого тааруу байдаг.  Хүн ихэсдэг үе нь Шинэ жил, Цагаан сарын үеэр гэвч энэ үеэр нь биднийг ингэж ханын түрээсээ огцом нэмж байгаа нь үнэхээр гайхмаар байна. 12 сарын турш түрээсээ төлөөд байж байгаа бидэнд хөнгөлөлт үзүүлдэггүй юм аа гэхэд үнээ огцом нэмэж гарцаагүй байдалд оруулахгүй байж болдоггүй л юм байхдаа гэж аргаа барсан түрээслэгчид ярьж байна.

Түүнчлэн лангууг мкв-ийг нь 8000$-аар худалдан авсан хүн хүртэл өнөөдөр хананы дотор тал нь таны эзэмшил гадна тал нь байгууллагын мэдлийнх гэсэн утгагүй хариулт аваад өөрийн лангуугаа давхар түрээслэх болоод сууж байна.

Дураараа нэмсэн уг түрээсийн үнэ нь ирж буй цагаан сарын баярыг угтсан "ДҮНЖИНГАРАВ"-ын удирдлагуудын хэрэглэгчдэдээ өгөх бэлэг байх.

Энэ талаар эсэргүүцсэн түрээслэгчдийн лангуугаа суллаад өг хэмээн дарамталсан байдлаар хандаж, үнээ буулгахгүй гэдгээ мэдэгдэж яваа нь харамсалтай. Эдийн засгийн хямрал нүүрлэсэн өнөөдөр ийн түрээсээ нэмэгдүүлж байгаа нь хачирхалтай. Гэхдээ энэ бол тэдэнд хүртээлгүй, ашиг л олж байвал болоо. Харин түрээс өндөрсвөл наймаачид үнээ нэмэхээс өөр гарц байхгүй болно. Харин үүнээс болж иргэд л хохирч үлдэх нь мэдээж.

Ийн дураараа аашлах "Дүнжингарав" худалдааны төвийн удирдлагуудад Монгол улсын хууль тогтоомж Хэрэглэгчдийн эрхийг хамгаалах байгууллагууд ажлаа хийгээч хэмээн л захья.