ЦЕГ: Талийгаач Т.Лхагвасүмбэрэл хөнгөн зэргийн согтолтын улмаас живсэн нь тогтоогдсон
Ирвэс хамгаалах сангийн биологич Т.Лхагвасүмбэрэлийн амиа алдсан хэргийн талаар цагдаагийн байгууллагаас мэдээлэл хийлээ. Улсын Мөрдөн байцаах газрын дэд дарга Э.Идэрцог мэдээллийн эхэд "2015 оны 11 дүгээр сарын 5-ны өдөр түүнийг алга боллоо гэсэн мэдээлэл ар гэрийнхнээс нь ирүүлсэн. Ингээд 2015 оны 11 дүгээр сарын 11-ний өдөр түүний машиныг олсон. Хэргийн газар үзлэг хийхэд 5-6 удаагийн камерын бичлэг үлдсэн байгааг шалгасан. Автомашины үзлэгээр хоёр гар утас олдсон бөгөөд бичлэгтэй гар утас, мөн 0.5 литрийн хэмжээтэй архи, ундаа байсан. Талийгаачийн цогцос Хөвсгөл далайн 25 метрийн гүнээс олдсон. Түүнийг живэлтийн улмаас нас барсан бөгөөд хөнгөн зэргийн согтолттой байсан гэсэн шинжилгээний хариу гарсан. Энэ хэргийг хэрэгсэхгүй болгоогүй, үргэлжлүүлэн шалгаж байгаа. Тост, Тосон бумбын нуруунд лицензтэй 16 аж ахуйн нэгжийг мөрдөн байцаалтаар шалгаж байна" гэх мэдээллийг өглөө.
Түүнчлэн талийгаачийн биед халдсан гэх дөрвөн удаагийн хадлагыг шалгаж байгаа юм байна. Олон нийтийн дунд талийгаачийг уул уурхайн компаниудтай маргалдсаны улмаас амиа алдсан байж болзошгүй гэсэн сэжиглэл, таамаглал бий. Тиймээс цагдаа нар энэхүү сэжиглэл, таамаглалын дагуу уул уурхайн компаниудаас мэдүүлэг аваад эхэлсэн байна.
Сэтгэгдэл байхгүй байна.