Челябинскийн солироос 10 метрээр том 30 орчим метрийн голчтой "2013 TX68” солир өнөөдөр дэлхийн хажуугаар маш ойрхон зайтай нисч өнгөрнө гэж АНУ-ын Агаарын нислэг, сансрын уудмыг шинжлэн судлах үндэсний төвийн цахим хуудсанд урьд нь мэдээлсэн байна. Тэнгэрийн биет болон манай гарагийн хоорондох зай 17 мянгаас 14 сая км байх аж. Ийм өөр дүгнэлт хийсний шалтгаан нь 2013 оны 10 дугаар сард уг солирыг илрүүлсний дараа эрдэмтдэд судалгаа хийхэд ердөө гурван өдөр байсан бөгөөд үүний дараа солирыг ажиглах боломжгүй болжээ.

Солирын нисч өнгөрөх замыг тодорхойлоход одон орончид тасралтгүй ажиллаж байгаа аж.

"Челябинск" солир дэлхийн агаар мандалд 2013 оны хоёрдугаар сарын 15-нд орж, агаар мандалд 30-50 км-ын өндөрт хүчтэй дэлбэрч, солирын хэлтэрхийнүүд Оросын Челябинск мужийн томоохон газар нутагт унасан байна. Солирын дэлбэрэлт Урал болон Казахстаны хойд нутагт хэдэн зуун мянган хүнд харагджээ. Солирын хамгийн том хэлтэрхий Чебаркуль нуур орчимд унасан байна.

Б.Дэжид