УИХ дахь бие даагч гишүүд Сонгуулийн тухай хуулинд "хавчигдаж” томоохон нам эвслийг бараадахаар шийдэцгээсэн. Ингээд УИХ-ын гишүүн Ц.Даваасүрэн, Х.Болорчулуун нар МАН-д элссэн бол С.Ганбаатар гишүүн ч мөн адил АН-ыг сонгохороо шийдсэн бололтой.

Нэг хэсэг ХҮН-ын даргаар ажиллаж байсан ч тус намыг хагалан бутаргасан сэтэр зүүж улмаар намын даргын албан тушаалаасаа буусан С.Ганбаатар гишүүн АН-д элсэхээр тус намын удирдлагуудтай уулзаж эхэлсэн тухай "бор шувуу” Төрийн ордноо нисч байна. Тэрээр ХҮН-ын дарга Т.Ганболдоор "ХҮН сонгуульд АН-ыг дэмжин оролцоно” гэх албан бичгийг Сонгуулийн ерөнхий хороонд хүргүүлж АН-ын тойглосон нь энэхүү хардлагыг төрүүлэх үндэс болжээ.

Д.ЖАРГАЛ