Бразилийн Рио Де Жанейро хотноо Зуны олимпийн XXXI наадам өнөөдөр нээлтээ хийлээ. Энэ удаагийн наадамд 205 орны 11000 гаруй тамирчид спортын 28 төрөлд 306 багц медалийн төлөө өрсөлдөх гэж байна. Алдарт Маракана цэнгэлдэх хүрээлэнд болсон олимпийн наадмын нээлтийн ажиллагаа өнөөдөр Улаанбаатарын цагаар 08.00 цагт эхлэв.

Манай улсаас анх удаа 43 тамирчин, спортын 9 төрөлд өрсөлдөх байгаа бөгөөд ийнхүү манай шигшээ баг тамирчид Монгол Улсын төрийн далбаагаа өндөрт өргөсөөр орж ирлээ.

Энэ удаагийн олимпийн тугчаар жүдо бөхийн хүнд жингийн тамирчин Б.Тэмүүлэн үндэсний загвартай цэнхэр өнгийн дээлээр гоёж, далбаагаа барьсаар баг тамирчидаа араасаа дагуулсаар орж ирлээ.

О.Сайхан