Олимпийн нээлт дээр Намиби улсын далбааг өргөн орж ирсэн боксчин Жонас Жуниосыг Бразилийн цагдаагийнхан саатуулсан байна. Намибийн тамирчин залууг Олимпийн тосгонд хүчирхийлэл үйлдэхийг оролдсон хэмээн сэжиглэж буй аж.

Жуниос одоохондоо Олимпийн дэвжээнд зодоглоогүй байгаа бөгөөд тоглолт нь энэ долоо хоногт болох юм байна. Тэрээр дасгал сургуулилтын завсарлагааны үеэр зочид буудлын үйлчлэгчдийн нэгэнд мөнгө санал болгон сексийн үйлчилгээ хүссэн гэнэ. Харин 22 настай боксчин залуугийн саналыг уг бүсгүй хүлээж аваагүйгээр үл барам цагдаад мэдэгдсэн аж.

Дашрамд дурдахад, энэ удаагийн явдал нь боксчин залуугийн хувьд сексийн шинж чанартай гэмт хэрэгт сэжиглэгдэж буй хоёр дахь тохиолдол юм байна. 

Д.Мөрөн

Эх сурвалж: ZONE.MN