Монголын байгаль орчны төлөөх хуульчдын холбооноос Швейцарийн холбооны улсын шүүх, Кредит Свисс банкинд гомдол гаргаж их хэмжээний сэжигтэй хадгаламжийн эх үүсвэр, хамтрагчдын мэдээллийг ил болгохыг хүссэн. Учир нь 23 наснаасаа 5 удаа парламентад сонгогдон ажилласан түүний хөрөнгө орлого ийм хэмжээний хуримтлал бий болгоогүй буюу тэрбээр албаны эрх мэдлээ Оюутолгойн төсөлд урвуулсан, хэтрүүлсэн, хээл хахууль авсан, мөнгө угааж хууль бусаар хөрөнгөжсөн байх хардлага дагуулсан.

Гомдол мэдээллийн дагуу холбооны улсын Эрүүгийн хуулийн 305-р зүйлд заасан мөнгө угаах гэмт хэрэгт С.Баярцогтыг холбогдуулан зургаадугаар сараас эхлэн шалгах болсон. Хэргийн явцад зарим нэг мэдээллийг олж авсан бөгөөд хэрэг хянагдаж байгаа. Энэ талаар бид АТГ-ын дарга нарт танилцуулсан бөгөөд тэд ч өөрсдийн хүрээнд цаашид шалган тогтоох ажиллагаа хийнэ гэв.

Бид 2008 оны 1 сая $-ийн талаар мэдээлэлтэй байсан бол 2009-10-27 өдрийн 9.2 сая $ ийн талаар Кредит Свисс банкны мэдээллийг Швейцарт байгаа хуульчдаасаа олж мэдсэн. Өнөөдөр хэвлэлийн хурал хийж мэдээлэл өглөө хэмээн Монголын байгаль орчны төлөөх хуульчдын холбооныхон сошиалд тавьжээ.