Нийслэл Улаанбаатар хотод Монгол, Орос, Хятад гурван улсын Худалдаа эдийн засгийн нэгдсэн XIII форум болж байна.  

Энэ арга хэмжээний хүрээнд  Монгол Улсын Ерөнхий сайд Ж.Эрдэнэбат ОХУ-ын худалдаа аж үйлдвэрийн танхимын ерөнхийлөгч Сергей Катырин, БНХАУ-ынОлон улсын худалдаа дэмжих хорооны даргын орлогч Чэнь Жоу нартай уулзаж хэлэлцээр хийсэн байна. 
Уулзалтын үеэр Ерөнхий сайд хамтын ажиллагаа өргөжиж байгаад талархаж байгаагаа илэрхийлээд хөрш орнуудтайгаа харилцан ашитай тэг эрхийн үндсэн дээр харилцаа хөгжүүлэх нь Монгол Улсын гадаад бодлогын үндэс гэлээ.

Энэ удаагийн форумд гурван орны 350 гаруй аж ахуйн нэгж оролцож байна. Төлөөлөгчид энэ гурван өдөр, түүхий эд, бараа бүтээгдхүүн, хүнсний зүйлийн хилийн худалдаанаас гадна хөрөнгө оруулалт, боловсруулах үйлдвэрлэл, экспорт-импортын ачаа тээвэрлэлт зэрэг олон асуудлыг харилцан ярилцах юм. 

2017 оны эхний дөрвөн сарын байдлаарМонголын гадаад худалдааны нийт эргэлтийн 80   хувийг  нь Орос Хятад улсууд эзэлж байгаагийн 335 сая доллар нь ОХУ-д, 2,1 тэрбум доллар нь Хятадад ногдож байна.  Энэ нь өмнөх 2016 оны мөн үетэй харьцуулахад Оростой хийх худалдаа 46, Хятадтай хийх худалдаа 51 хувь өссөн дүн юм.