"Сити" уураа "Бөрнли"-д гаргалаа
Энэ улирал эхлээд аль хэдийнэ гурав хожигдчихоод байгаа "Манчестер Сити" клуб 14 дүгээр тойрогт "Нью Касл"-тай тэнцэж, тэргүүлэгчээс улам бүр хоцорч байгаа. Тэгвэл 15 дугаар тойрогт тэд "Бөрнли"-гийн талбайд зочилж, 1:4-өөр буулгаж авч, уураа гаргалаа. Ингэснээр 32 оноотой болж, хоёрдугаар байр руу орж ирэв.
Тоглолтын 24, 50 дахь минутад Габриэл Жезус дубль хийж, гангарсан. 68 дахь минутад Родри нэгийг нэмсэн бол Марез 87 дахь минутад гүйцээжээ. Эзэн багаас Брэйди 89 дэх минутад нэр төрийн ганц гоол оруулсан.
Сэтгэгдэл байхгүй байна.