УИХ-ын гишүүн Н.Ганибал Эргэлт.мн сайтад өгсөн ярилцлагадаа нүүрсний сонсголтой холбоотойгоор дараах байр суурийг илэрхийлсэн байна: Тэрбээр "Гэхдээ би Б.Энхбаяр сайдад эргэлзэж байна. Өмнө нь Хөгжлийн банкны Түр хороог удирдахдаа шинжээч нарын дүгнэлтийг зөвхөн өөртөө л ашигласан. Өөрөөр хэлбэл, Түр хорооны ажлын хэсэгт багтсан УИХ-ын гишүүдэд мэдээллээ хуваалцаагүй хүн шүү дээ. Ингээд өөр өөртөө зориулж мэдээлэл бэлтгээд, өөрөө ярьдаг хүн. Энд улс төрийн ашиг сонирхол байх магадлалтай.

Өнөөдөр ч гэсэн нүүрсний сонсголд гэрчээр дуудсан эхний хүмүүс нь дан Ардчилсан намынхан байна. Уг нүүрсний хулгай анх яагаад гарч ирсэн юм бэ, гэдгийг эргээд бодох хэрэгтэй. Ардын намыг эрх барьж байх долоон жилийн хугацаанд нүүрсний хулгай газар авсан. Тэр үеийн хулгайг илрүүлэх ёстой байтал өнгөрсөн 2010 оны асуудлыг сөхөж гаргаж тавьж байна" гэжээ.