Их Британы нэгэн хэвлэлд төрөл садангууд нь "гэр бүлийнхээ нэр төрийг аврах” гэсэн шалтагаар эмэгтэйчүүдийг цаазаар авдаг тухай аймшигтай тоо баримтыг нийтэлсэн нь саяхан шуугиан дэгдээж байв. 

     Тоо баримт нь толгойд оромгүй энэхүү зан заншлын улмаас жилд 20 мянга орчим бүсгүйг харгисаар хөнөөдөг гэсэн байна лээ. Тус "Нэр төрөө цэвэрлэх” гэсэн халхавчтай аллага Исламын ертөнцөөс хальж Европт түгэж байгаа нь шинжээчид, нийт хүн зоныг байна. 
     Үүний зэрэгцээ Европод загалмайд хадах гээч аймшигт зүйл бий. Шашны хэт үзэлтнүүдийн энэ заншил ч олон сая хүний амийг авч одсон баримт байдаг. Шийтгэл нэрээр ийнхүү хүний амийг авч оддог ёсон сүүлийн үед ихээхэн өсч байгаад хаа хаанаа санаа зовниж сууна. Бид хамгийн сүүлд ромчуудын түүхийг харуулсан "Спартак” кинонд Ромын хаад эгэл жирийн иргэдийг хэрхэн яаж цовдолж байгаа харц далдиран харсан. Тэр ч бүү хэл манай улсад ч туг тахих гээч зүйл байсныг бид түүхээс мэднэ. Хүний зүрхийг нь сугалж туг тахидаг байсан ёсыг энд дурдаад яахав, бид бүгд түүхээсээ мэдэх хойно.

     Үүнийг уншиж суухад нэгэн зүйл санаанд оров. Учир нь ард түмнйхээ амьдралыг ядууруулсан, хуулиа уландаа гишгисэн эрх баригчдыг загалмайд хадвал яасан юм. Зүрхийг нь сугалж туг тахихад ч болохгүй юм алга. Бүтэн хоёр жилийн турш аймшигт нийгмийг цогцлоон байгуулчихаад буруугаа хүлээхгүй суудалдаа шигдэж байгаа нөхдөд үүнээс өөр шийтгэл алга. Хууль тогтоох дээд байгууллагын танхим, Засгийн газрын танхимд багтаж, халдашгүй дархан эрхийн эзэд болчихоод хуулинд ч захирагдахгүй суугаа нөхдөд үүнээс өөр арга хэмжээ бий гэж үү. 

     Хэлээд хуулийг нь сануулаад, болохгүй байна гэдгийг нь тал талаас нь учирлаад байхад халдашгүй дархан эрх хэмээх хөшигөөр халхавч хийж, суудалдаа шигдээд байгаа нөхдөд үүнээс өөр арга хэмжээ алга. Сүүлдээ ардчилал, капиталист, социалист, коммунизм нь мэдэгдэхгүй нийгэм бий болж байна. Улаан цэнхэртэйгээ нэгдэж, эрх ашгийн төлөө ураг барилдаж байна. Ийм ном дүрэм гэж хаа ч байхгүй. Энэхүү аймшигт түүхийг харж суухад манай улс, энэ улстөрд цовдолчихмоор хүн олон байгаа санагдсан нь огт санаандгүй хэрэг биш болов уу. 

А.Гал