Нил мөрөнд ачааны усан онгоц, зорчигч тээврийн завьтай мөргөлдөж 21 хүн нас барсан тухай аюулгүй байдлын газраас мэдэгдлээ.

Сүйн ёслолоо хийхээр нэгэн хос  завь түрээслэн Кайрог зорин явах замдаа ийн ачааны усан онгоцтой мөргөлдсөн   байна.

Одоогийн байдлаар дөрвөн хүүхдийн цогцос олдоод байгаа бөгөөд хэд хэдэн зорчигч сураггүй алга болсон тухай дотоод хэргийн сайд мэдэгдээд байна.

Цагдаа нар ослын шалтгааныг эрэн сурвалжилж байна.

Амиа алдсан болоод сураггүй болсон иргэдийн ар гэрийнхэн ослын тухай мэдэхээр Нил мөрний эрэг дээр цуглараад байна.

Мөргөлдсөн онгоцны сэгийг уснаас гаргаж авах ажиллагаа явагдаж байна.

Ариун Рамадан сарын баярт оролцохоор олон Египт хүн усан онгоцоор явах үедээ Нил мөрөнд осолдсон харамсалтай хэрэг гарсаар байгаа юм.

И.Мөнхцэнгэл