Өмнөд Солонгос улс МЕРС-ээс ангижирсанаа зарлалаа
Өмнөд Солонгос улсын Эрүүл мэндийн Сайд Ван Кё Ан Ойрхи Дорнодын амьсгалын замын хам шинж буюу МЕРС коронавирусын халдварын тархалтыг бүрэн зогсоож, ангижирсан хэмээн албан ёсоор зарлажээ.
Тэрбээр Засгийн газрын төлөөлөгчидтэй уулзалт хийх үедээ "Янз бүрийн нөхцөл байдлыг бүхэлд нь тооцсоны дүнд коронавирусын тархалтыг зогсоож чадлаа. Эрүүл мэндийн байгууллагын ажилтан алба хаагчид мөн Засгийн газар одоо санаа амарч болно” хэмээсэн байна.
Тус улсад коронавирусаар халдварласан анхны тохиолдол өнгөрөгч тавдугаар сарын 20-нд бүртгэгдсэн бөгөөд түүнээс хойш 186 хүн халдвар авч, тэдний 36 нь амиа алдсан юм. Ингэснээр МЕРС коронавирус дэгдэлтийн байдлаар Өмнөд Солонгос улс хамгийн олон иргэнээ уг вирусын улмаас алдсан Саудын Арабын ард бичигдэж байгаа юм.
Сэтгэгдэл байхгүй байна.