Грекийн Ерөнхий сайд Алексис Ципрас огцорч, ээлжит бус сонгууль зарлахаар болсон байна. Түүний тэргүүлдэг Сириза эвсэл өнгөрсөн нэгдүгээр сард болсон парламентийн сонгуулиар ялалт байгуулж, шинэ Засгийн газраа байгуулсан юм. Гэвч сонгуулиас өмнө хүлээгдэж байсан хэлэлцээрүүдэд шинэ Засгийн газар ахиц гаргаж чадаагүй гэж Ципрас пүрэв гарагт хийсэн мэдэгдэлдээ онцолжээ. Мөн тэрээр Грекийн Засгийн газрын хөтөлбөрийг үргэлжлүүлэхийн тулд ард түмний дунд дахин санал асуулга явуулах хэрэгтэй гэж үзэж байгаа аж.

Сонгуулийн тов одоогоор тодорхойгүй байгаа ч ирэх едүгээр сарын 20-нд болно хэмээж байгаа ажээ.

Тус их хэмжээний өрөнд орсон Грекчүүд дампуурлаас зайлсхийж, евро бүсэд үлдэхийн тулд гурав дахь тусламжийн хөтөлбөрийг өнгөрсөн долоодугаар сард гаргасан. Шинэ төлөвлөгөөнд татвар нэмэх, тэтгэврийн шинэчлэл, хувьчлал хийх, төсөв танах арга хэмжээнүүд багтсан байна.