"Уран гоёл” урлангийнхан үнэтэй нандин торгоор чамин гоё "Даллаганы уут” урладаг, тэр нь эрэлт ихтэй байна.

-Бид аливаа зүйлийг хийхээсээ өмнө судалгаа их хийдэг. Даллаганы уут гэхэд л одоо л хэн дуртай нь дүрэм журам зохиогоод байгаа болохоос уг нь их нарийн учиртай юм билээ. Монголчууд эрт дээр үед өсдөг буян гэж хоттой малынхаа үс ноосноос, үрждэг буян гэж үр тарианы дээжээс, үргэлжийн буян гэж мөнгө зоос, эрдэнэс л даллаганыхаа уутанд хийдэг, үзэм чихэр мэтийн идэх юмыг дуусдаг, дундардаг буян гээд даллаганы саванд хийхийг цээрлэдэг байсан юм билээ. Мөн цагаан уяагаар уядаг, өөр өнгийг цээрлэдэг байж. Бид энэ бүх учрыг өгүүлсэн бяцхан тайлбар даллаганы уутандаа дагалдуулдаг. Үндэсний уламжлал, зан заншлыг өвлүүлэх бас нэг оролдлого л юм даа гэж "Уран гоёл”-ын бүтээгдэхүүнийг танилцуулж байсан бүсгүй ярианыхаа далимд сонирхууллаа.

"Уран гоёл” урлангаар ороод гарахад энэ мэт харах сонсох сонин ихтэй, хийсэн бүтээсэн арвинтай, халуун дулаан уур амьсгалтай байна. Эрхэм та ч гэсэн нэг үйлчлүүлээрэй. Таны итгэлийг тэд алдахгүй ээ. Очихоосоо өмнө www.facebook.com/UranGoyol гэсэн фэйсбүүк хаягаар зочлоод үзэхэд бас гэмгүй шүү.