“Singapore Airlines”-ын онгоц ослын буулт хийснийхээ дараа шатжээ
Сингапурын иргэний агаарын тээврийн "Singapore Airlines” компанийн нисэх онгоц ослын буулт хийснийхээ дараа шатжээ. Уг онгоц Италийн Милан хотоос Сингапурын "Чанги" нисэх онгоцны буудалд ирж буусан байна.
"Singapore Airlines” компанийн албаны хүмүүс "онгоцонд 241 хүн, тэдний дотор нисэх багийн 19 гишүүн байсан. Аз болоход, нэг ч хүн бэртэж гэмтээгүй” гэж мэдэгдлээ.
Онгоцны хөдөлгүүрээс тос гоожиж байгааг харуулсан анхааруулгын дохиог нисэх багийнхан авснаар "Боинг-777” нисэх онгоц өглөөний 7:00 цагт ослын буулт хийжээ.
Онгоц буух үед баруун хөдөлгүүр нь шатаж эхэлсэн байна. Гал сөнөөгчид 10 минутын дотор галыг унтраажээ. Онгоцны далавч хэсэг газарт нэлээд шатсан байна.