Бувайсар Сайтиев: Допинг хэрэглэсэн бөх чанга унадаг
Олимпийн гурван удаагийн аварга, алдарт бөх Бувайсар Сайтиев бөхчүүдийн допинг хэрэглэдэг тухай ярианд өөрийнхөө үзэл бодлыг хэлжээ. "Допингийн тухай сүүлийн үед ямар их яриа гарах болов оо. Ямартай ч манай бөхчүүдийн Риогийн олимпийн дэвжээнд гаргана гэж найдья. Мэдээж, овоо босгоогүй бол шаазгай хаанаас суухав. Хэрвээ Оросын тамирчдаас нэг нь ч допинг хэрэглээгүй бол ийм асуудал үүсэхгүй л байсан. Гэхдээ допинг хэрэглэсэн тамирчнаа л шийтгэх ёстой. Тэрнээс нэг үхрийн эвэр доргивол мянган үхрийн эвэр доргидог байж болохгүй. Энэ шударга биш.
Ер нь бөхөд допинг хэрэглэх нь утгагүй гэж би боддог. Допинг хэрэглэсэн бөх чанга унадаг гэж хүртэл бөчхүүд хоорондоо ярьдаг шүү дээ. Бөх бол их оюунлаг спорт. Хүмүүс шатрыг их оюунлаг гэдэг шүү дээ. Гэтэл шатарчид удаан хугацааны турш нүүдлээ бодоод суудаг. Харин бөхөд тэгж удтал бодох цаг байдаггүй. Маш богино хугацаанд зөв барилдаж, зөв мэх хийх ёстой байдаг. Ингэхээр тархи нь сайн ажилладаг байх хэрэгтэй үг. Өөрөөр хэлбэл, хэн хурдан, зөв сэтгэсэн нь давдаг. Сэтгэж чадахгүй бол их бяраар яахав дээ” гэж Сайтиев өгүүлсэн байна.
Р.Гэгээ